Toggle navigation
Home
Biography
Museum
Plays
Movies
Music
Archives
Articles
Event Videos
Contact
Login
Journey to Heaven
Home
Journey to Heaven
OPENING GLEE
ITAN ERE NA
Ara’iye e wa kawa korin ogo s’Oluwa
Angeli e bo kewa korin iyin s’oke o
Ara ayiie e gbo mi, ara orun e gbo mi o (2)
Omo l’ehin iwa omo l’opo ile
Edumare fun wa l’omo
Ti yio gb’ehin tun ehin se o
Edumare fun wa l’omo
Ti yio gb’ehin tun ehin se
Eni omo sin l’o bimo, omo l’ayole
Eni omo sin l’o bimo, omo l’ayole o l’ayole
Edumare awa mbe o o, dariji awon apania
Aiye l’oja, orun ni’le
Aiye l’oja orun ni’le o
Enyin ti mbe l’ayie, e ku oja ayie o
Enyin ti mbe l’ayie e ku ewu irin ajo
Irin ajo la’taiye lo tarara
Titi lo dorun, e ku ewu irin ajo
Awon ibeji meji, Taiwo Kehinde
‘Gba won nlo rin irin ajo
Irin ajo la’taiye lo tarara
Titi lo dorun
‘Gba won de ile ayie
Taiyelolu deni ire
O mona ti ise ‘rele
O mona ti i’sona ire
O ranti pe Olodumare
L’Oba ti ns’ohun ire
At’orun bo wa j’ayie
At’aiye pada sorun
Aiye loja orun nile o (2)
Enyin ti mbe layie e ku oja ayie o
Enyin ti mbe layie e ku ewu irin ajo
Irin ajo la’taiye lo tarara
Titi lo dorun, e ku ewu irin ajo
A o yi o, a o yi o
‘Gba won de ile ayie
Kehinde gb’ona iya
Kehinde gb’ona ibi
O sayie yi d’a wa ilo, ara e gbo o
Kehinde y’iya-ki-ya
O fi ‘le oti se ile, o fi ile ewon s’oja O f’oko meta po
Kehinde wa pada wa dolomolanke
A Kehinde o se ohun ire
A aiye ile a ayie ile o
Awon oni tete ayie awon oni baranda oja
Awon ni won pa Kehinde da
Ti o fi d’eni iku
Awon ni won pa Kehinde da
Ti o fi d’eni orun Rere rere l’Oluwa
Ko ma da enikan fun ibi
Ko ma da enikan fun aro
A f’eni ba fi owo ara re
To fi fa ibi
Eni t’o ba se rere
A tun pada wa ri ire
Eni t’o ba se ibi
A tun pada wa ri ibi
T’ibi t’ire lo nrin papo nile aiye o
Edumare l’Oluwa Oluwa esan
A ara mi a, ara mi o
Eni t’o mbe laye
Ko ranti pe iku mbe (2)
Omi omi l’enia, bi oba san wa
A tun san pada, eda ayie mbo o nlo
A t’orun bo wa j’ayie
Ati ayie pada s’orun
Edumare awa mbe o
Dariji omo enia o
F’igba nla bu omi ko ‘mi
Ongbe ngbe ‘male
F’igba nla bu omi ko ‘mi
Ongbe ngbe ‘male
ACT 1 SCENE 1
TAIWO ATI KEHINDE NINU ISALU ORUN NMURA LATI WA SI AYIE
TAIWO ATI KEHINDE:
Enyin omode l’orun, enyin agbagba l’orun
Enyin Eiyele Ogo, enyin Adaba meje
Enyin arugbo igbani olodun jojo
A ................ A wa juba o
K’a to rin irin ajo
AWON ANGELI: (The Angels)
E ......irin ajo, e nlo rin irin ajo (2)
Irin ajo lat’aiye lo tarara
Titi lo s’orun, e nlo ri irin ajo (2)
TAIWO ATI KEHINDE:
Enyin Afun’pe l’orun, enyin akowe orun
Enyin asoju Edumare Ologo Meta
L’atetekose li enyin wa pelu Olorun
Gbogbo asiri ayie at’eyi ti mbe l’orun
Enyin pelu Olodumare l’on s’ohun
A...... A wa juba kai lo rin irin ajo
AWON ANGELI:
E ......irin ajo, e nlo rin irin ajo (2)
Irin ajo lat’aiye lo tarara
Titi lo s’orun, e nlo ri irin ajo (2)
TAIWO ATI KEHINDE:
Enyin Ato’ni s’ona ona ile ayie o
Ko s’ohun to le di ‘na
A nre ‘le ayie o
Enyin t’o m’oni to tun m’ola lojo ayie o
A, A awa juba o kai lo rin irin ajo
AWON ANGELI:
E ......irin ajo, e nlo rin irin ajo (2)
Irin ajo lat’aiye lo tarara
Titi lo s’orun, e nlo ri irin ajo (2)
AINA NI YIO SI SE IYA WON
TAIWO ATI KEHINDE:
Awa ibeji meji, a nre ‘le aiye o
S’odo Aina wa
Enit’o ti loyun ibeji n’ile ayie o
Pipe ojo ibi re ko j’ojo merinla lo
A nlo pese aye nile aina wa
Ko s’ohun to le dina a nrele ayie o
Enyin t’o m’oni to tun m’ola lojo ayie o
A, A awa juba o kai lo rin irin ajo
AWON ANGELI:
E ......irin ajo, e nlo rin irin ajo
Irin ajo lat’aiye lo tarara
Titi lo s’orun, e nlo ri irin ajo
TAIWO ATI KEHINDE:
Enyi Alamo, Alamo tin mo ‘ri wa
A nre ‘le aiye o
Ona kini ao gba wiwo tabi rere ni
Iwa kini ao hu ibi tabi rere ni
Kil’ayie wa yio ti se
Kil’ona wa yio ti da
‘gba t’aba de ‘le ayie
Ni ‘le ajeji baba nibi t’enikan ko mo
B’ibi tabi rere ni
Ohun gbogbo l’okunkun fun wa (All things are dark to us)
Ni ‘le ayie o (In the world)
Enyin Ato’ni sona, ona ile ayie o
Enyin arugbo igbani olodun jojo
Kil’ayie wa yio ti
Kil’ona wa yio ti da
‘gba t’aba de ‘le ayie o
AWON AGBAGBA:
Enyin ibeji meji ti nrele ayie o
Rere rere l’Oluwa
Ko ma da enikan fun ibi
Ko ma da enikan fun aro
Af’eni ba f’owo ara re to fi fa ibi
Eni to ba se rere, a tun pada wa ri ‘re
Eni to ba se ibi, a tun pada wa ribi
T’ibi t’ire l’on nrin papo nile ayie o
Edumare l’Oluwa Oluwa esan
T’IBI TIRE NI NRIN PAPO NILE AYIE
AWON ANGELI:
Iba e o , e wi ire o
Rere rere l’Oluwa
Ko ma da enikan fun ibi
Ko ma da enikan fun aro
Af’eni ba f’owo ara re to fi fa ibi
Eni to ba se rere, a tun pada wa ri ‘re
Eni to ba se ibi, a tun pada wa ribi
T’ibi t’ire l’on nrin papo nile ayie o
Edumare l’Oluwa Oluwa esan
AWON AGBAGBA:
Enyin ibeji meji ti nrele ayie o
E mase gbagbe o ire lai si ‘bi
Ati ibi lai si ‘re ko ma si nile ayie o
Ogun omode ki mai sire gb’ogun odun o
‘Gba t’ohun gbogbo ba si koro lojo oni o
E ranti pe o mbo wa dun to ba di lola
T’ibi t’ire l’on nrin papo nile ayie o
Edumare l’Oluwa Oluwa esan
AWON ANGELI:
E ......irin ajo, e nlo rin irin ajo
Irin ajo lat’aiye lo tarara
Titi lo s’orun, e nlo ri irin ajo
TAIWO ATI KEHINDE:
Enyin agbagba a wi, enyin agbagba e fo
E wi ona t’a o gba
T’a o fi rire nikan
T’ibi ki yio pade wa
Ki a lowo, k’a bimo
A, A wa juba o kai lo rin irin ajo
Ki a si ko ‘le mo ‘le
Ki a si b’etan s’ehin
Anile ni porogun ‘laso, ka rire nikan
K’ibi mase pade wa, ka mase d’agba osi
K’ojo ayie wa si le toro dojo ale o
A, A wa juba o kai lo rin irin ajo
K’ayie wa le tutu
‘Gbat’a ba wa l’omode
Titi ta tun ndarugbo lo
Edumare k’o gba wa
‘Gbat’a ba pada s’orun
K’a ri enyin agbagba
K’e f’ayo wa pade wa
K’e mu wa de ‘le ola
K’e mu wa d’orun ogo
Rere rere l’Oluwa
Ko ma da enikan fun ibi
Ko ma da enikan fun aro
Af’eni ba f’owo ara re to fi fa ibi
Eni to ba se rere, a tun pada wa ri ‘re
Eni to ba se ibi, a tun pada wa ribi
T’ibi t’ire l’on nrin papo nile ayie o
Edumare l’Oluwa Oluwa esan
A SI KO ILA OWO FUN AWON IBEJI NAA
AWON AGBAGBA:
Awa nko ‘la, a nko ila owo (2)
Enyin ibeji meji ti nlo ile ayie o
E S’ori re o, e sori re o
Ki E l’owo k’e bimo
K’e ma se dagba osi
Anile ni porogun ‘laso ke rire nikan
E s’ori ire o (2)
A nko ila owo
Awa nko ila a nko ila owo
K’ayie yin le tutu
‘Gbat’e ba wa l’omode
T’e ba tun darugbo lo
Edumare k’o gba yin
‘Gbat’e ba pada s’orun
K’e ri awa agbagba
K’a f’ayo wa pade o
Ka gbe yin de ‘le ola
K’a gbe yin d’orun ogo
Rere rere l’Oluwa
Ko ma da enikan fun ibi
Ko ma da enikan fun aro
Af’eni ba f’owo ara re to fi fa ibi
Eni to ba se rere, a tun pada wa ri ‘re
Eni to ba se ibi, a tun pada wa ribi
T’ibi t’ire l’on nrin papo nile ayie o
Edumare l’Oluwa Oluwa esan
TAIWO ATI KEHINDE NDAGBERE FUN AWON EDA ORUN KI WON TO WA SI AYIE
TAIWO ATI KEHINDE:
A baba wa lo layie
A baba wa l’onile
Awa ibeji meji a nrele ayie o
A o digba o awa mi lo o (2)
A o se ‘le ayie ko wa dabi orun
AWON ANGELI
A e w’ire, a e fo ‘re
Enyin ibeji meji tin lo ‘le ayie o
Taiyelolu omo wa, Omokehin a gba ‘gba
E nrele ayie o, a o digba o
Enyin nlo o, enyin nlo o
E o se ‘le ayie ko wa dabi orun
ACT 1 SCENE 2
A BI AWON IBEJI NA SI AYIE AWON EBI ATI ORE SI NKI ALABA BABA WON ATI AINA IYA WON KU EWU OMO
AWON ENIA:
E ku ewu ye ye o, e ku ewu enia (2)
Aina awa ki o, e ku ewu enia
Alaba awa ki o, e ku ewu enia
T’omode t’agba ni papo
Wo oju omo enia o
A t’ijo t’ayo lomode k’eyie
T’o ba r’eyie
A t’ijo t’ayo la fi wa ki o
E ku ewu enia
Ibeji meji e ku abo o
Ibeji meji olori ire
E ku ewu irin ajo o
Taiyelolu a wa ki o, e ku abo omo wa
Kehinde awa ki o, e ku abo omo wa
Ibeji meji e ku abo o
Ibeji meji olori ‘re, e ku abo omo wa
E ku ewu ye ye o, e ku ewu enia o (2)
Aina awa ki o, e ku ewu enia o
Alaba awa ki o, e ku ewu enia o
E ku ewu ye ye o, e ku ewu enia o
AINA:
Mo dupe enyin ti e wa
Mo dupe enyin ti e bo
Mo dupe enyin ti e ki mi
E ku ewu irin ajo
Emi Aina iya omo ati Alaba baba
A dupe ola t’e fun wa
E ku ewu irin ajo
Taiyelolu kin yin pupo
Omokehin ki nyin pupo
Tomode t’agba e ma wole
Ire a kari o, ko ni mo s’ibikan
E ku ewu irin ajo
AWON ENIA
A ire a ire
Ire a kari o, ko ni mo si ibikan
E ku ewu enia o
Tomode t’agba awa ki o, Ire a kari
E r’oju ayie o tabi e o ri
Awodi bale o gb’eyie lo
Agan ti ko bi a d’olomo
Awodi bale o gb’eyie lo
ALABA:
Mo dupe enyin ti e wa
Mo dupe enyin ti e bo
Mo dupe enyin ti e ki mi
E ku ewu irin ajo
Emi Alaba baba omo TI Aina iya omo
A dupe ola ti e fun wa
E ku ewu irin ajo
Olodumare Oluwa wa
L’o boju wa’le ile ayie o
L’o fun wa l’omo aye rere
Tokotaya wa f’owo s’osun
A f’owo s’osun osun omo
Ire a kari o ko ni mo si ibikan
E ku ewu irin ajo o
AWON ENIA
A Ire.... a ire
Ire a kari o, ko ni mo si ibikan
E ku ewu enia o
A, Alaba o wi ire, Ire a kari etc.
Tomode t’agba a ki o
E r’oju ayie o tabi e o ro
Awodi bale o gb’eyie lo
Agan ti ko bi a d’olomo
Awodi bale o gb’eyie lo
AWON ENIA NJO WON SI NYO NI ‘BI ASE AWON OMO TUNTUN NA
AWON ENIA
Awodi e ku ewu o
Ewu ina ki i pa awodi
K’oloyele k’oloyele so
Ijo wo l’o ma d’agba
Olurebete Olureberebe
Ijo wo l’o ma d’agba, Olurebete Olureberebe
A o jo de ‘le yeye o ,, ,, ,,
Ngo se ki npe o o ,, ,, ,,
Ijo wo l’ ma d’agba o
ACT 1 SCENE 3
AWON IBEJI NA SI DAGBA, AWON OBI, EBI ATI ORE SI TU WON SILE LATI FE OKO TO WU WON
AWON ENIA:
A, Aina wa a, Alaba wa(2) (Ah our Aina, our Alaba)
A de, a de, tori e npe wa o
Igbehin re nbo wa dun o lo o(2)
Ejire olowo, Ejire olomo (2)
Ejire ara Isokun a-d’aro-pale-aso
Igb’enyin ranse aiye, igb’enyin ranse
T’e ni ka ma bo
K’a wa jayie oba tarara
A de, a de ‘tori e npe wa o l’ayie
Igbehin re mbo wa dun o lo o (2)
Ejire olowo, ejire olomo
Ejire ara isokun a-daro-pale-aso
Kini k’a wa se t’a o se Aina
Kini k’a wa se t’a o se Alaba
Aja ki ‘ko wagbawagba eko laiye
Eiyele ki ‘ko wagbawagba oka beni
Iponri aja o jobi se
Iwo ni baba ewe
A de, a de ‘tori e npe wa o l’ayie
Igbehin re mbo wa dun o lo o
Ejire olowo, ejire olomo
Ejire ara isokun a-daro-pale-aso
ALABA
A enyin ara ile, a enyin ara wa
Enyin ti e gbo ti e bo
Mo dupe ojo oni emi ni baba ewe
Kehinde omo wa ma re o enyin ara
Taiwo omo wa ma re o enyin ara
Won ti d’agba t’eni ile oko a dupe olu
Won ti d’agba t’eni ile oko a mi yo sese
Enyin ti e gbo ti e bo
Mo dupe ojo oni emi ni baba ewe
E je k’a fun won l’ase
E je k’a yoda fun won
Ki won l’oko t’o wu won o
Ki won l’oko t’o wu won o
Oko t’o l’ebi rere
Oko t’o l’ona rere
Oko t’o l’owo l’owo
Oko t’o l’aso l’eru
Oko t’o ri je t’o ri mu
Oko ti ko ni gbese l’orun
Emi ni baba ewe
TAIWO ATI KEHINDE:
A aiye ile, a ayie ile o
A dupe l’owo baba t’o bi wa l’omo
Enyin ti e gbo ti e bo
A dupe ojo oni enyin ni baba ewe
A ti d’agba t’eni ngbe’yawo a dupe Olu
A ti d’agba t’eni ile oko a nyo sese
A mi lo f’oko t’o wu wa o layie
A mi lo f’oko t’o wu wa o baba
Oko t’o l’ebi rere
Oko t’o l’ona rere
Oko t’o l’owo l’owo
Oko t’o l’aso l’eru
Oko t’o ri je oko t’o ri mu
Oko ti ko ni gbese l’orun
Enyin ni baba ewe
AWON EBI:
A aiye ile, A, ayie ile o (2)
E ti d’agba t’eni ngbeyawo a dupe Olu
E ti d’agba t’eni ile oko a nyo sese
Ile ayie l’e nlo, ile ayie l’e nre
E jowo s’ayie re, e jowo se ‘le re
Mase gbagbe Olorun, mase gbagbe Jesu
E gbo on ni baba ewe
L’ojo k’e ri je, l’ojo k’e ri mu
L’ojo k’ebi pa nyin d’ale o
E ma ma daro o
E jowo s’ayie re, e j’owo se ‘le re
Mase gbagbe Olorun, mase gbagbe Jesu
E gbo on ni baba ewe
AWON EBI ATI ORE SI NJO WON SI NYO NI ‘BI APEJO NA
Awa l’a b’onifa, awa l’a b’alufa
Awa l’a b’onigbagbo o
K’o to d’omo Jesu o
Igba mba jo, onilu gbe ‘lu lo
Ibaka pelebe o gbe bi awo
Gbangba ela, gbangba ela o
Okuta meta ela o gbangba ela
A o pa ra w a l’ayo olele
ACT II SCENE 1
KEHINDE JE ONIWA KIWA OMO. O FE OKO META PO, O SI GBA OWO L’OWO WON
ADISA
Gbo gbo gbo, arabirin gbo
Mo ni oro kan ba o so
Mo ni ero kan ba o ro
Gba ti mo nwo ‘ju re
O da b’oju Angeli
Gbati mo nw’ehin re
O funfun bi fadaka
Mo ni oro kan ba o so
Mo ni ero kan ba o ro
Mo fe ‘fe o laya ni
Omokehin o gba gba
Mo fe fi o se ‘yawo o a, emi ni oko re
Idile ola ni mi o, Kehinde mi
KEHINDE:
A mo gbo, a mo gba dandan
Mo gba lati se aya re Adisa mi
Mo gba lati se aya re titi ayie o
Nje olufe mi, oko to l’owo l’owo
Oko to l’aso l’eru
Mo gba lati se aya re titi ayie o
Nje fun mi ni poun mefa
Ki nfi r’aso ebi
Nje fun mi ni poun meji
Ki nfi jeun ata
Idile ola ni o o Adisa mi
ADISA
Gba gba gba, ki o fi r’aso ebi
Gba gba gba k’o fi jeun ata
Mo nlo k’abo wa ba o ti o ba di l’ola
Mo lo k’abo wa bo o Kehinde mi
LADIMEJI
Gbo gbo gbo, arabinrin gbo
Mo ni oro kan ba o so
Mo ni ero kan ba o ro
Emi omo Ile=Ife, mo ti Ile-Ife wa o
Baba mi ko ‘le mo ‘le
Iya mi b’etan s’ehin
Idile owo idile ola
Idile ola ni mi o Kehinde mi
Ni ‘bi ise ti mo wa, ogun poun
L’owo osu t’ Ijoba nfun mi
Baba mi ko ‘le mo ‘le
Iya mi b’etan s’ehin
Idile owo idile ola
Idile ola ni mi o Kehinde mi
Mo fe fe o l’aya ni
Omokehin o gba gba
Mo fe fi o se ‘yawo o a, emi ni oko re
Idile ola ni mi o, Kehinde mi
KEHINDE:
A mo gbo, a mo gba dandan
Mo gba lati se aya re Ladimeji mi
Mo gba lati se aya re titi ayie o
Nje olufe mi, oko to l’owo l’owo
Oko to l’aso l’eru
Mo gba lati se aya re titi ayie o
Nje fun mi ni poun mefa
Ki nfi r’aso ebi
Nje fun mi ni poun meji
Ki nfi jeun ata
Idile ola ni o o Ladimeji mi
LADIMEJI:
Gba gba gba, ki o fi r’aso ebi
Gba gba gba k’o fi jeun ata
Mo nlo k’abo wa ba o ti o ba di l’ola
Mo lo k’abo wa bo o Kehinde mi
AJAO:
Gbo gbo gbo, arabirin gbo
Mo ni oro kan ba o so
Mo ni ero kan ba o ro
Gba ti mo nwo ‘ju re
O da b’oju Angeli
Gbati mo nw’ehin re
O funfun bi fadaka
Mo ni oro kan ba o so
Mo ni ero kan ba o ro
Nko ni baba mo o, nko ni iya mo o
Gbogbo won ku lo s’orun a .......
Mo wa d’olomo-lanke
Omolanke ni mo nti
Mo ti gb’okiki re, o ti gb’okiki
Emi t’o l’owo l’owo
Iwo t’o l’aso l’eru
Mo ni oro kan ba o so
Mo ni ero kan ba o ro
Mo fe ‘fe o laya ni
Omokehin o gba gba
Mo fe fi o se ‘yawo o a, emi ni oko re
Idile ola ni mi o, Kehinde mi
KEHINDE:
A mo gbo, a mo gba dandan
Mo gba lati se aya re Ajao mi etc
AJAO:
Gba gba gba, ki o fi r’aso ebi
Gba gba gba k’o fi jeun ata
Mo nlo k’abo wa ba o etc
NITOTO KEHINDE KO SE OHUN RERE
A Kehinde ns’ayie re lo
A Kehinde nrin irin ajo
Lat’ayie yi bo titi d’orun
O l’oko meta po, o f’oko meta po
Kehinde pada wa d’olomo-lanke
A Kehinde ko se ohun rere
Ojo ekun ku si dede
Ojo ekun sunmo o
A Kehinde ko se ohun rere
Adisa, Ladimeji ati Ajao pada lati se Igbeyawo pelu Kehinde, asri tu, a si fa Kehinde lo si ile ejo
ADISA:
Mo de mo de mo de o, Kehinde
Omo Onile ki ibo ki ‘le ma mo
K’o se ranti ojo t’a ri ‘ra Kehinde
Ero ona k’o gbe ‘ra nle ....... k’a sire
Omo ayie ma mi w’oju re o omo rere
K’o gbe ‘ra nle k’a se ‘gbeyawo ara mi
K’o gb ‘ra nle k’a re ‘le o baba mi
Awon ebi, ara, ore o won npe o
Won mura sile won nreti re o olufe mi
Emi t’o l’owo l’owo
Emi t’o l’aso l’eru
Idile owo, idile ola
Idile ola ni mi o Kehinde mi
KEHINDE:
Wole, wole, wole o, Adisa
Omo Onile ki ibo ki ‘le ma mo
M’o se ranti ojo t’a ri ‘ra Adisa
Mo ti mura k’a se ‘gbeyawo ara mi
Mo ti mura k’a re ‘le o baba mi
Awon ebi, ara, ore o Adisa
Won mura sile won nreti re o olufe mi
Wo le wole wole o wa joko
K’a mura nle ka re ‘le o olufe mi
Iwo t’o l’owo l’owo
Iwo t’o l’aso l’eru
Idile owo, idile ola
Idile ola ni o o Adisa mi
LADIMEJI:
Mo de mo de mo de o, Kehinde
Omo Onile ki ibo ki ‘le ma mo
K’o se ranti ojo t’a ri ‘ra Kehinde
Ero ona k’o gbe ‘ra nle ....... k’a sire
Omo ayie ma mi w’oju re o omo rere
K’o gbe ‘ra nle k’a se ‘gbeyawo ara mi
K’o gb ‘ra nle k’a re ‘le o baba mi
Awon ebi, ara, ore o won npe o
Won mura sile won nreti re o olufe mi
Emi t’o l’owo l’owo
Emi t’o l’aso l’eru
Idile owo, idile ola
Idile ola ni mi o Kehinde mi
KEHINDE:
Wole wole o wole o wole o
Omo onile ki ibo k’ile ma mo
AJAO:
Mo de mo de o mo de o Kehinde
Omo onile ki ibo k’ile ma mo
K’o se ranti ojo t’a ri ‘ra Kehinde
KEHINDE:
Wole wole o wole o wole o
Omo onile ki ibo k’ile ma mo
Mo se ranti ojo t’a ri ‘ra o Ajao
ADISA
Kini mo ri o mori o Kehinde
Awon tani won mi wo mi o olufe mi
Jowo ye k’o la mi l’oye olufe mi
KEHINDE
Awon ebi ara ore ni o Adisa
Awon egbon ati aburo Adisa mi
E fi won sile k’a ma lo Adisa mi
Wa wa wa Adisa mi
Mo ni oro kan ‘ba o so
Mo ni ero kan ‘ba o ro....
Kai ara mase sunmo mi ngo ko fe
Kai ara mase sunmo mi opada ma lo
Eni t’a o pe t’o wa
Be ‘le wo oju l’o ya
Omo ayie ma mi woju mi o omo rere
LADIMEJI ATI AJAO
Dajudaju a gbe a gbe o ori wa
A fe ‘yawo olosu mefa ara wa
O gb’eru ori mi o gb’eru ori re
E r’oju ayie tabi e o ri ojo nkoja lo
Omo a-jodi-jeso
Ko se ranti ojo ta ri ‘ra wa Kehinde
K’o se ranti poun mefa
Ti o fi r’aso ebi
Ko se ranti poun meji
Ti ofi jeun ata
Idile iro ni o o Kehinde yi o
Ile ejo l’a nmu o lo Kehinde
Ile ewon l’a nmu o re (2)
O d’ile ejo ko to mo wa o Kehinde
O d’ile ejo k’o to mo wa o l’olufe re
Awa o ni fe, awa o ni gba
Ile ejo l’a nmu o re kiakia
KEHINDE
E jowo aladugbo ara e gba mi o
LADIMEJI ATI AJAO
Ile ejo la nmu o re kiakia
ACT II SCENE 2
Si Kiyesi i Kehinde je Onikakuna omo osi na gbogbo Owo re tan sinu Faji ati Afe Aye owo si tan
AWON ONI SAKARA:
Ebi npa wa o ara mi, ebi np’olomo Eko
Lailai l’ogun ti nja eyi le julo
Lat’igba t’ayie ti se
Enia dudu ko ku iku ebi
Enyin a-de-‘lu-ma-lo
Enyin le mu gari d’owon o l’oju wa
Edumare awa mbe o o dariji awon apania
Igb’oyinbo nje bota o enia dudu nje jero
Igb’oyinbo nje nama, enia dudu nj’awo eran
Lat’igba t’ayie ti se
Enia dudu ko ku iku ebi
Enyin a-de-‘lu-ma-lo
Enyin le mu gari d’owon o l’oju wa
Edumare awa mbe o o dariji awon apania
Igb’oyinbo nje buredi o
Enia dud nje jero
Igb’oyinbo nje suga
Enia dudu nmu omi ata
Lat’igba t’ayie ti se
Enia dudu ko ku iku ebi
Enyin a-de-‘lu-ma-lo
Enyin le mu gari d’owon o l’oju wa
Edumare awa mbe o o dariji awon apa’nia
A ara mi, a ara mi o
E fi kota sile k’e d’amure nyin k’o le
Dajudaju Olodumare ko gbagbe wa l’orun
Edumare awa mbe o o dariji awon apa’nia o
O gbe ‘le baba ta fi r’aso
E ma ba wi jo o e je o lo o
Aje orun yio da o ye ye omo a Jodi-jeso
Ti wa ye, ti wa ye, ti wa ye wa (2)
Ti wa ye wa ni ikun ara wa o
Ohun ti a nf’owo wa r a
Ti wa ye wa ni ikun ara wa o
Awa nf’owo wa r’aso
F’igba nla b’omi ko mi o
Ongbe ngbe ‘male
F’igba nla b’omi ko mi o
Ongbe ngbe ‘malle o
AWON OSIRE KEJI
Ekun omo re ekun omo da o (2)
Ekun omo to nke o oro nse yanmuyanmu
K’ayie mase baje o baba mi
K’ayie mase baje o baba mi mi
E .... baba ayie o
K’ayie mase baje o baba mi a
Oluwa gbere o baba ayie o (2)
T’ojo t’erun bakan na oju re o
E ......baba ayie o
T’ojo t’erun bakan loju re o
AWON OSIRE KETA: *************
KEHINDE ;
A owo ti tan mo ‘nawo ‘nawo
Owo na tan o ara mi o e gbo s’ eti
N’ iwoyi ojo ola
Awon o ni tete mbo l’odo mi
Awon alayo mbo l’odo mi
Kini ki nwa se wayi o owo tan
Owo ma tan ara mi e gbo s’eti
A mo ranti (2)
Mo n’ ile meji l’ ehingbeti
Mo ni ile meji l’Agege
Ti mo fi j’ ogun l’aiye o
Mo sit un laso die l’eru
Mo l’ egba owo mo l’ewon orun
Ma l’ogba owo mo l’ewon orun
Ma lo ko won ta b’ oba d’ola
Iyen ni ngo se wa yi owo tan
Owo ma tan o ara mi e gbo s’eti
ACT III SCENE 1
KEHINDE SI GBE ILE ATI ILE BABA RE TA NI GBANJO
KEHINDE ;-
Onigbanjo mo de mo de
Onigbanjo e gbo mi o (2)
Mo n’ile meji l’Ehingnbeti
Mo nile meji Agege
Mo l’egba owo mo l’ewon orun
Mo fe k’ o ba mi ta won o ye
Ki ng r’ owo gba kiakia
Ki ng r’owo gba lesekese
Ki ngo r ‘owo lo b’ o ba d’ ola
Afara ko si o a ra mi
Onigbanjo o mo mi r’oju
ONIGBANOI
gbo ara mi
Elo l’o fe gba fun ile re
At ‘ egba b owo at ‘ewon orun
Elo lo fe gba fun ile re
At’ egba owo at ewon orun
Elo lo fe gba fun eru re
Wi fun mi o kin gbo seti
KEHINDE;-
Mo f’ apo mejo fun ile kan
M’o apo mefa fun ile kan
At’ egba owo at’ewon orun
Mo f’ogun apo fun gbogbo wan
Onigbanjo mo mi ro ju
ONIBGANJO:
Mo gbo ara mi
Ngo ra ‘le re t’owo t’owo
Ngo ra ‘le re gigagiga
At’egab owo at’ewon orun
B’o ba di l’ola ko wa gbowo o
Ara mi o
A SI TA GBOGBO OHUN INI KEHINDE NI GBANJO
ONIGBANJO:
Gbo ara mi
Ohunrere nlo n’iyen (2
Egba owo ewon orun
Ohun rere nlo n’iyen
E wi ka gbo o ara mi
AWON ENIA:
Ohunrere nlo n’iyen (2)
Egba owo ewon orun (2)
Ohun rere nlo n’iyen
E wi ka gbo o ara mi
ONIGBANJO:
Kil’o tun wi o ara mi
ENITI NRA ‘JA:
Poun mefa ni mo wi
Poun mefa ni mo fo
AWON ENIA:
Ohun rere nlo niyen
ONIGBANJO:
Kil’o tun wi o ara mi
ENITI NRA ‘JA:
Ogun poun ni mo wi
Ogun poun ni mo fo
AWON ENIA:
Ohun rere nlo n’iyen etc
ONIGBANJO:
Kil’o tun wi o ara mi
ENITI NRA ‘JA;
Ogbon poun ni mo wi
Ogbo poun ni mo fo
AWON ENIA:
Ohun rere nlo n’iyen
ONIGBANJO:
Kil’o tun wi o ara mi
ENITI NRA ‘JA:
Mo fi poun meji kun (2)
AWON ENIA:
Ohun rere nlo n’iyen
ONIGBANJO:
Kil’o tun wi o ara mi
ENITI NRA ‘JA:
Mo fi poun mefa kun
AWON ENIA:
Ohun rere nlo n’iyen
ONIGBANJO:
Gbo ara mi
Ile meji l’ehingbeti
Ile meji l’Agege
Ohun rere nlo n’iyen
Kil’o tun wi o ara mi
ENITI NRA ‘JA:
Apo meji ni mo wi
Apo meji ni mo fo
AWON ENIA:
Ohun rere nlo n’iyen o
Ile meji l’ehingbeti
Ile meji l’Agege
Ohun rere nlo n’iyen
E wi ka k’a gbo o ara mi
ONIGBANJO:
Kilo tun wi o ara mi
ENITIN NRA ‘JA
Apo mefa ni mo wi
Apo mefa ni mo wi
Ogun apo ni mo wi
Ogun apo ni mo fo
Mo fi poun mefa kun
AWON ENIA:-
A ra’ja tan a nrele e l’aiye
K’ Oluwa ma l’ atunri wa o (2)
K’ a gbadun egba owo
At’ ewon orun t’a ra
A raj a tan nrele l’aiye
K’ oluwa ma k’ atunri wa o
KEHINDE SI GBA OWO OHUN INI RE TI A TA
KEHINDE;-
Ongbanjo mo de mo de
Onigbanjo mo de o
Mo wa gb’owo mi leselese
Mo wa gb’ owo mi a gbo o
Onigbnjo o mo nroju
ONIGBANJO –
Ogun apo re owo ile
Ogun apo re owo ile
Egba owo ewon orun
Ogunpoun l’owo won
Kehinde o omo rere
ACT III SCENE 2
KEHINDE TUN NA GBOGBO OWO RE NI
ILE ONITETE O SI KU SU ILE OTI
NI ORU OJO KAN
AWON ONITETE
Awa nonitete aiye awa oni baranda oja (2)
A ko mo bi t’ owo sin lo nina l’owo o
A ko mo bi t’owo sin lo tita l’oja
Enikeni ti o ‘owo ko ba si le na
O di eru owo o
Awa onitete aiye awa onibaranda oja
Awa onitete ayie awa onibaranda oja (2)
L’ayie l’a o fi sile lo, ayie l’a b’owo (2)
Enikeni t’o l’owo ti ko ba si le na
O di eru owo
Awa onitete aiye awa onibaranda oja
Awa onitete ayie awa onibaranda oja (2)
A ko ‘mo bi t’owo sin lo nina l’owo
A ko ‘mo bi t’owo sin lo tita l’oja
Enikeni t’o l’owo ti ko ba si le na
O di eru owo
Awa onitete aiye awa onibaranda oja
Eyi je eyi o je (hen)
Eyi je eyi o je rara (hen)
Awa onitete aiye awa onibaranda oja
Eyi je eyi o je (hen)
Eyi je eyi o je rara (hen)
Awa onitete ayie awa onibaranda oja etc
ILE OLOTI
Ile oloti ile alayo
Awa onibaranda oja (2)
Ile elerokero ile oniwakuwa
Ile omo to sonu lo
Ile oloti ile alayo awa onibaranda oja (2)
A mi sire lo awa onibaranda oja
A mi wole lo awa onibaranda oja
NIGBATI TAIWO SI GBO PE KEHINDE TI KU SI ILE OTI ON NA SI LO O SI KU SIBE PELU
TAIWO:
Pagidari (2) igi da o
Kehinde aburo mi, Kehinde ara wa
O ku sile oti l’ayie o a
Kehinde o se ohun re
Nje e gbo ara mi
Nko le nikan ma s’ayie lo
Nko le nikan rin irin ajo
Lat’ayie yi lo titi d’orun
Afi bi mo ku pelu re o
E o ya mi afi bi mo ku pelu re o
A o ya mi afi bi mo ku pelu re o
ACT III SCENE 3
Awon ibeji meji na si pada de orun lehin iku won li ayie, Awon angeli fi tayotayo gba Taiwo
sugbon ran Kehinde pada si ayie lati lo tun iwa re se.
AWON ANGELI:
A ojo pe, a ojo ko
Eda ayie nkorin ogo, eda orun nyo sese
Olodumare Oluwa Oba nyo l’orun
Edumare gbo’ owo wa o
Won mbo won mbo l’ona (2)
Awon to fi wa sile lo ye
Won mbo l’ona o
Awon ibeji meji
Tayielolu omo wa, omokehin o gba’ gba
Awon t’o fi wa sile lo ye
Won mbo l’ona o
E o lo pade won
E o lo pade won l’ona
K’e mu won de ‘le ola
K’e mu won d’orun ogo
Rere rere l’Oluwa
Ko mada enikan fun ibi
Ko ma da enikan fun aro
A! fi eni ba f’owo ara re
Ti o fi fa ibi
Eni t’o ba se rere
A tun pada wa ri’re
Eni t’o ba se ibi
A tun pada wa ri ibi
T’ibi t’ire l’o irin papo lojo ayie o
Edumare l’Oluwa Oluwa esan
.............................................
E ku abo o, e ku abo omo
Enyin ibeji meji Tayielolu omo wa
Omokehin o gba ‘gba
E wa s’alaye fun wa
B’e ti se ‘le ayie o
Ki e to pada s’orun
Bi e ba s’ayie re
E je ki a gbo s’eti
Bi e ba si b’ayie je o
E je ki a mo dandan
Eni ba s’ayie re Olorun a mo o
KEHINDE:
Enyin Angeli l’orun, enyin angeli l’oke
E ye e gbo ara mi
Gba mo de ile ayie
A bi mi s’ebi rere
Baba mi l’owo l’owo
Ya mi b’etan s’ehin
Idile owo, idile ola
Idile ola ni mi o ara e gbo o
‘Gbati mo d’agba s’oke
Mo wa lo k’egbe k’egbe
Mo wa lo yiya kiya
Mo f’ile oti se ‘le
Mo fi ile ewon s’oja
Awon oni tete ayie
Awon onibaranda oja
Awon ni won pa mi
L’okan da ti mo fi d’eni orun
Abo mi re o Oluwa
Ara e gbo o
TAIWO:
Enyin Angeli l’orun, enyin angeli l’oke
E ye e gbo ara mi
Gba mo de ile ayie
A bi mi s’ebi rere
Baba mi l’owo l’owo
Ya mi b’etan s’ehin
Idile owo, idile ola
Idile ola ni mi o ara e gbo o
‘Gbati mo d’agba s’oke
Taiyelolu d’eni re
Mo m’ona t ii se rele
Mo m’ona t ii s’ona ire
Mo ranti pe Olodumare
L’oba ti nsohun re
Abo ma re Oluwa
Ara e gbo o
AWON ANGELI:
E ye e gbo ara mi
E ran Kehinde pada
K’o tun pada lo s’ayie o
K’o wa lo tun ‘wa re se
Gbat’o ba pada s’ayie o
K’o lo j’omo afoju
K’o d’eni ti ntoro je
K’o j’eni ti ko l’ewa
T’o ba ronu p’iwa da
T’o ba m’Oluwa l’Oba
K’o tun pada wa s’orun
K’a mu de ‘le ola
K’a mu u d’orun ogo
Rere rere l’Oluwa
Ko ma da enikan fun ibi
Ko ma da enikan fun aro
A! fi eni ba f’owo ara re
Ti o fi fa ibi
Eni t’o ba se rere
A tun pada wa ri’re
Eni t’o ba se ibi
A tun pada wa ri ibi
T’ibi t’ire l’o irin papo lojo ayie o
Edumare l’Oluwa Oluwa esan
..............................................................
..............................................................
..........................................
Taiyelolu omo wa
........................................
O seun omo odo, omo odo Oluwa
Bo sinu ayo Oluwa
Ti ko nipekun
A ara mi, a ara mi o
Eni ti mbe laye
K’o ranti pe iku mbe
Omi omi l’enia
B’o ba san wa a tun san
Pada eda ayie mbo o nlo
A t’orun bo wa j’ayie
A t’ayie pada s’orun
Edumare awa mbe O o
Dariji omo enia o
THE END
All Rights Reserved