King Solomon


    ITAN ERE NA


  • Araiye e wa kawa korin ogo s’Oluwa
  • Angeli e bo kawa korin iyin so’ke o
  • Adajo aiye adajo ile adake dajo o l’Oluwa
  • Ba o ba sere wa jere ire
  • Ba o ba e ka wa jere ika, Eledumare l’Oluwa
  • K’ ma son ika ki sawa wa
  • B’enia se ibi a jere ibi
  • B’oba seka ika awa jere ika
  • Adajo aiye adajo ile adake dajo l’Oluwa wa
  • Adajo ile o
  • Oba Dafidi Oluwa Oba to d’ade aiye
  • O pa Uraya sinu ogun o si mu aya Uraya o
  • O fi wa saya o nile oba Edumare gbo lorun
  • Dafidi wa jere ese, Dafidi wa jere ibi
  • E ma se gbagbe o p’eni ba sere a jere ire
  • P’eni ba seka a jere ika adajo aiye adajo ile
  • Adake dajo o l’Oluwa wa adajo ile o
  • Solo o ri Oluwa omo Dafidi baba
  • O gori aiye o joye Dafidi baba
  • Oba kiniun aiye oba koroko lorun
  • Ajan ku mi gbo ki ikiji loju aiye
  • Ko saja to le layako foju dekun dandan
  • Alagbala wura omo Dafidi baba
  • Edumare ranti re Solomoni o
  • Solomoni ni oluwa omo Dafidi baba
  • Gbat’o se rubo loru Oluwa wa l’ara han
  • Oluwa wa fun logbon Oluwa wa fun loye
  • Lati se dajo aiye lati se dajo ile
  • Solomoni Oluwa (2)
  • A dupe fun ogbon re adajo ile o
  • Ki yio si soba saju ki yio si oba lehin
  • Ti yio dabi re Solomoni ola ti ndajo aiye
  • Solomoni Oluwa omo Dafidi baba
  • O dajo fun araiye o dabi Oluwa
  • Agbere aya to sun li orun
  • To pa omo re li a pa dorun
  • To gbomo olomo pon emi o ri iwo o ri
  • Awa o ro eda kan o rii
  • Solomoni oba to ndajo aiye o
  • Edumare loba onidajo orun
  • Obi kole Oluwa oba satogun ona
  • Okiki oba wa kan sori awon ile gbogbo
  • Ayaba Seba lati le jinjin wa koba wa
  • Gbat’o de ile oba ohun gbogbo wadeto

  • O way a Seba lenu iku baba orisa
  • Okiki ki ipowo, okiki ki ipoja
  • Eni rere lo bi o Solomoni o
  • K’a to r’erin o digbo o k’ato r’efon o d’odan
  • K’ato r’adajo iru re, o di ‘le Oluwa
  • Awa nrele o Solomoni oba ti ndajo aiye
  • Igb’ojo s wo, t’ jo dojo ale e gbo o
  • Edumare je ka gogun omo sile k’ai lo
  • Solomoni oluwa o jogun baba re o

    ACT 1 SCENE 1


    AWON ARA SEBA SI MU AYA URAYA WA

    FUN OBA DAFIDI LATI SE AYA


  • Kabiyesi o oba nla, kabiyesi o oba agba
  • Kabiyesi o Dafidi wa, asoju aiye to tun
  • Pada d’asoju oba Edumare
  • O a to l aiye to tun lorun asiri aiye o di tire
  • Iwo to sore Baba lorun. A baba Dafidi o
  • Iyawo Uraya la mu wa o iyawo omo aborisa
  • Ehin fun jowo amororo aponbepore aweroro
  • K’ole wa pada d aya oba
  • K’ole wa pada d’eni ola o
  • Enitoti’mi sun ‘le oko ko le w pada sun le
  • A! baba Dafidi o
  • To gbe mi de ‘le o ile oba, a ‘baba Dafidi o
  • Emi ti mo to nsun le oko
  • Mo tun pada wa nsun le ola
  • Emi to jaya aborisa mo tun pada wa daya oba
  • Mo tun pada wa d’eni ola o
  • Mo dupe lowo ori mi
  • To gbe mi dele o ile oba, a! baba Dafidi o

  • OBA DAFIDI FI AYO GBA BATSEBA GEGEBI IYAWO

  • Inu mi dun o dun si olufe mi
  • Ehin fun jowo amororo iyawo mi
  • Nje ma bo (2) Bo wa s’owo otun mi o (2)
  • Ko wa pada d’aya oba lati wa pada deni
  • Lati joba nibe titi aiye o Iyawo mi o

  • AWON ARA ILU SEBA SI NBA A YO FUN IDALOLA NA

  • Iyawo Uraya la mu wa o. Iyawo omo aborisha
  • Ehin fun jowo amororo, aponbepore aweroro
  • Kole pada wa daya oba. Ko le pada wa deni
  • Enito ti mi sun le oko lola o
  • Kole wa pada sun le oba, A ! baba Dafidi o

  • INU BATSEBA SI DUN LOPOLOPO LA TI
  • DI AYA OBA O SI NYO

  • Ori ‘ re o ori ‘re o
  • Ori buruku ki ngbogun odun o
  • Ori iwefa tun wa d’aya oba o
  • Aropin ni t’eda aropin nt’enia ara
  • K’o ma s’eni to le ri opin enia ara
  • Talaka ti ko ku tun le pada d’elesin
  • Ori iwefa tun wa daya oba o

  • AWON WNIA OBA DAFIDI SI NBA A YO PELU

  • Batseba o wi i ‘re o
  • Ori buruku ki gbogun odun o
  • Ori iwefa tun wa d’aya oba o
  • Aropin ni t’eda aropin ni t’enia
  • Ko ma s’eni to le ri opin enia ara
  • Talaka ti ko ku tun le pada d’elesin
  • Ori iwefa tun daya oba

  • BATSEBA SI TUN DA ‘RIN BAYI PE

  • Araiye e mura ara on ba mi yo
  • E ba mi gbohun soke ka k’orin iyin s’Oluwa
  • Araiye ma mi bow a gbona ara de ‘le o

  • AWON ENIA DAFIDI SI TUN DAHUN BAYI PE

  • Batseba aya oba o wi ire o
  • Ori buruku ki ngbogun odun o
  • Ori iwefa tun wa d’aya oba o
  • Aropin nt’eda aropin ni t’enia ara
  • Talaka ti ko ku tun le oada d’elesin
  • Ori iwefa tun wa daya oba o

  • WOLI NATANISI WA LATI BI ESE DAFIDI
  • HAN A O SI PA OWE MO LARA BAYI PE

  • Oba Dafidi mo wa ri o, mo ni ejo kan lati fi
  • Ni ti ese kan to ga julo ninu ijobati nse tire
  • N’ibi tokunrin meji gbe wa
  • Okan je oloro to ri je talakani keji ti ko ri je
  • Opolopo ni agutan ati malu t o sanra
  • Ninu agbala ti lo o sugbon talaka ara keji
  • Ko ni kinikan t’on sin bi ko s’agutan kekere
  • Bi ko saguntan kekere kan
  • Nwon jijo nje ninu awo
  • Nwon jijo nmu ninu ago
  • Nwon jijo nsun lori aga
  • Nwon fe ara won ju emi lo Baba Dafidi o
  • O si se l’ oru ojo kan alejo wa ba oloro
  • O si ko lati meyo kan ninu aguntan ti o sanaa
  • O si mu agutan talaka yen kafi salejo loru yen
  • Baba Dafidi o

  • INU OBA DAFIDI SI RU SOKE O FI
  • IBINU DAHUN BAYI PE

  • Bi Oluwa mbe laiye
  • Okunrin to se buburu yen
  • K’afi s’ alejo loru yen
  • Kiku ni yio lu o jebi
  • WOLI NATANI SI JA OWE FUN OBA
  • DAFIDI BAYI PE

  • Iwo, iwo lokunrin na o jebi
  • Iwo to kegan oro Oluwa
  • Iwo si fid a Uraya
  • Iwo si maya Uraya o, eniti nsomo aborisa
  • Lati wa pada d’aya oba o a! Dafidi o ti jebi
  • Nje nitorina ko gbo o Ida mi yio kuro nile re
  • Titi aiye o, emi yio o si je k’ ibi dide
  • Lati inu ile ti ‘wo gbe wa
  • Awon obirin ti wo ni o
  • L’a o ya kuro lata re lao gba kuro lara re
  • Oba Dafidi o

  • ERU MU OBA DAFIDI OSI NBEBE
  • FUN DARIJI

  • Gba mi o Natani o (2)
  • Emi ti dese si Olorun gba min, Natani o

  • OLORUN SI TI ENU WOLI
  • SORO BAYI PE

  • Olorun baba to ga lorun
  • L’o ti mu ese re kuro
  • Gba mi gbo o, Dafidi mi
  • E ki yio ma ku o
  • Sufbon nitori iwa re
  • Omo kunrin ti abi fun o
  • Kiku ni yio ku o
  • Oba Dafidi o

  • AWON ANGELI OLUWA SI NJERISI
  • ISUBU OBA DAFIDI

  • Isubu aiye, e wa
  • Wo subu aiye loni o
  • Oba Dafidi nf’ aya kan
  • Oba Dafidi ngba’ yak an
  • Oba t’ o nd’ ade ade aiye
  • Tun pada wa gb’ aya aborisa
  • Adake dajo l’ Oluwa wa
  • Ako-ma-gbela l’ Olorun
  • Ojo ekun ku si dede
  • Ojo ekun sun mo o
  • Isubu aiye E e wa
  • Wo ‘subu aiye loni o
  • Isubu eda o

    ACT 1 SCENE II


  • SOLOMONI SI JOBA NI IPO DAFIDI
  • BABA RE AWON ENIA RE SI NYE E SI

  • Kabiyesile a ki oba t’ o d’ade owo
  • Kabiyesile oba to ga ju won lo
  • Solomoni oluwa omo Dafidi baba
  • Oba t’ o f’owo mo le
  • T’ o fi ‘leke se ogba
  • Alagbala wura omo Dafidi baba
  • Edumare ranti re, Solomoni o
  • Oba kiniun aiye oba kori o l’ orun
  • Ajanaku mi ‘gbo kijikiji l’ oju aiye o
  • Ko s’ oju t’ o le l’ aya
  • K’ o f’ oju d’ ekun dandan
  • Alagbala wura, omo Dafidi baba
  • Edumare ranti re Solomoni o
  • Ki gba re san wa laiye o omo Dafidi
  • Ki gba re san l’orun o omo Dafidi
  • Jowo wa s’ aiye ‘re k’o si f’ otito joba
  • Ko ranti pe toba t’enia ni yio ma ku o
  • T’ao papo lati wa jihin ise aiye
  • Alagbala wura omo Dafidi baba
  • Edumare ranti re Solomoni o

  • OBA SOLOMONI SI FI AYO ATI IRELE
  • DA AWON ENIA RE LOHUN BAYI PE

  • Enyin olola, enyin agbagba
  • Enyin oselu enyin igbimo
  • Enyin Balogun ninu ogun Dafidi baba
  • E feti bale e fokan bale
  • Tori Oluwa l’Oluwa layekaye
  • E je ka gbekele l’ Oluwa to ga ju wa lo
  • Enyin ti e wa ba mi yo l’ ojo oni
  • Mo dupe fun baba orun ologo meta
  • A f’ emi a f’ enia f’ emi a f’ Oluwa
  • Ko s’aja to le laya
  • Ko foju dekun dandan
  • Alagbala wura omo Dafidi baba
  • Edumare ranti mi Solomoni o

  • AWON ENIA RE SI DUPE LOWO RE
  • PELU NWON SI NSE ADERA FUN U
  • A! E! Solomoni Oluwa o
  • A dupe lowo re a dupe tokantokan
  • Omo Dafidi baba
  • Af’ iwo a f’ enia a f’ iwo a f’ Oluwa
  • Edumare ranti re Solomoni o
  • Enyin ara ea enyin iwofa
  • Enyin Balogun enyin Ijoye
  • Enyin omode aiye o
  • Ao f ‘iyin fun baba ao fiyin f’enia
  • Awon to fi o joye eku igbimo baba
  • A fiwo a f’ enia a fi wo a f’ Oluwa
  • Ko s’ aja to le laya ko f’ oju dekun dandan
  • Alagbala wura omo Dafidi baba
  • Edumare ranti re Solomoni o
  • A! beni awa se hun!
  • Erin jogun ola erin jogun baba re
  • Gbojo se wo tojo dojon ale e gbo o
  • Edumare je ka fogun omo sile lai lo
  • Solomoni oluwa jogun baba re o
  • Ina ku feru boju
  • Ogede ku f’ omo ropo baba Dafidi
  • Igba ojo nrekoja lo igba otutu mbo
  • Igba erun ni yio jogun toye totutu dandan
  • Solomoni Oluwa o jogun baba
  • A! beni awa se hun!!!
  • Erin jogun ola o erin jogun baba re
  • ‘Gbojo se wo t’ojo dojo ale egbo o
  • Edumare je ka fogun omo sile kai lo
  • Solomoni oluwa o jogun baba re
  • Baba laiye o (Hun !!!)
  • Baba lorun o (Hun !!!)
  • Baba to d’ade aiye to tun feti bale
  • Boya won a tun pe on lorun (Hun !!!)
  • Solomoni Okuwa jogun baba re
  • A beni tiwon se hun
  • Erin jogun ola erin jogun baba re
  • ‘Gbojo se wo t’ jo dojo ale o gbo o
  • Edumare je ka f’ ogun omo sile kai lo
  • Solomoni oluwa j’ ogun baba re o

    ACT II SCENE I


  • AWON AYA SOLOMONI NSE ARIYA NI TI
  • IWUYE OKO WON NWON SI NKE OKIKI RE

  • Awa aya Solomoni baba de o
  • Awa aya Solomoni baba de o
  • Baba legbafa aya
  • O legberin iwefa
  • Oba f’ ola jogun o Oba f’ ola jogun o
  • Ko sohun to mbo loke ti owo wa ko ka
  • A f’ awa a f’ enia a f’ awa a f’ Oluwa
  • Solomoni o Solomoni o
  • Ola igi ni ‘na fi njo l’ aiye
  • Eni t’ o ba pe kil’ a o da
  • Onwa yonu ni

  • O b’awon ota wa l’odi l’eso
  • Alawo mejo
  • A f’awa a f’enia a f’Oluwa
  • Solomoni o Solomoni

  • AWON OLORI OBA SOLOMONI SI
  • NKE OKIKI RE PELU

  • Enia lo laiye enia lo lorun
  • E wa wo oba ile aiye
  • Tani le ri oba ile orun ko ye
  • Solomoni o
  • B’ o wu igi a wo we
  • Eda kan o mehin ola
  • We, we, opebe o di le o
  • Solomoni o
  • Solo, Solomoni dade ob ire de
  • E mase soro oba lehin o
  • E mase soro oba lehin o
  • A Solomoni
  • Solomoni baba gbere o
  • Baba o tele yi pe o
  • Baba o tele yi pe o
  • Lola awa o
  • Baba ate le yi pe o
  • Lola Oluwa
  • Ade a pe lori bata a pe lese re o
  • Enikeni ti ko ba si gba
  • Ko lo ri sokun
  • A binu eni ko ma le yi kadara wa po
  • Ota nse lasan ni ko le ri wa mo o
  • A Solomoni o
  • Solomoni baba gbere o

    ACT II SCENE II


  • OBA SOLOMONI SI LO SI GEBEONI LATI
  • SE RUBO SI OLORUN AWON ARA ILU
  • NA SI GBA A TOWO TESE

  • E ma wole Solomoni
  • Oba Oluwa tiletile
  • E ma wole Solomoni
  • Oba Oluwa tonatona
  • Iwo to d’ade owo
  • Iwo to wo bata ileke wa
  • Omo Dafidi baba wa
  • A toba tele ko to joba
  • Iwo t’o fowo fowo mole
  • Iwo t’o fi’ leke se ogba
  • Edumare t’o yan o loba
  • K’o f’emi re gun l’oju wa
  • Kiniun oba a bi’jakankan
  • Solomoni o
  • Oba t’o ti l’egberun aya
  • T’o ti l’egbrin iwofa
  • Ati wundia ota-le-legbeje
  • Enyin agbagba enyin oselu
  • E gboju s’oke, k’e k’oba wa
  • Eni to fowo fowo mole
  • Iwo to fi leke se ogba
  • Edumare to yan o loba
  • Ko f’emi re gun loju wa
  • Kiniun oba abija Kankan
  • Solomoni o
  • Nje a be e lowo oba
  • Eredi ti oba wa
  • Dide lati wa se ibewo
  • Awa ara oko at’ra egan
  • Awa tin sun ‘le ole oko
  • Awa tin sun ‘le ile omi
  • O ya wa lenu tile tile
  • O ya wa lenu tona tona
  • Lati r’oba wa o ni ‘le wa
  • Edumare t’o yan o f’oba
  • K’o f’emi re gun loju wa
  • Kiniun oba abija kikan
  • Solomoni o

  • S0L0MONI OBA SI FI IRELE DA WON
  • ENIA NA LOHUN PE

  • Enyin olola, enyin agbagba
  • Enyin oselu, enyin igbimo
  • E mase je k’ oya nyin l’enu
  • Lati ri oba ni ‘le egan
  • Oba to l’aiye t’otun l’orun
  • Ko ma d’eni kun si ‘le omi
  • Ko ma d’eni kan si ‘le egan
  • Sugbon gbogbo wa l’ omo ogo
  • Sugbon gbogbo wa l’ omo iye
  • ‘Gbat’ a ba pari ise laiye
  • T’ oba t’ enia yio si papo
  • Lati yin Oluwa oba oba ogo
  • Enit’ O da mi sile aiye
  • Ati Dafidi Baba mi
  • To fi mi joye baba mi
  • E ma ku ile o ara mi
  • Alafia ko le wa bi o
  • Edumare yan mi l’oba
  • Ko f’emi mi gun loju wa
  • Kiniun oba abija kikan
  • Solomoni o

  • AWON ENIA NA SI FI ARA MO IMORAN OBA SOLOMONI

  • A Solomoni oba wi ire o
  • Oba t’O laiye to tun lorun
  • Ko ma denikan sile
  • Ko ma denikan sile egan
  • Sugbon gbogbo wa lomo ogo
  • Sugbon gbogbo wa lomo iye
  • Gbat’ a ba pari ise aiye
  • Tao sib ago ara sile
  • T’oba t’enia yio si papo
  • Latin yin Oluwa oba ogo
  • Baba to d’aiye
  • At’ enyin ero ti e wa
  • At’ enyin ero ti e bo
  • Ti e b’ o a wa de ‘je o
  • E wi fun wa, o ara wa
  • Eredi re, li l’ e ba wa o
  • E a ara e wi k’agbo

  • OBA SOLOMINI SI DAHUN BAYI PE

  • E gbo ara, mi
  • A wa se ‘rubo a wa s’aito
  • A si wa juba fun ola nla
  • Olodumare, Olugbala
  • B’akere juba, omi a to
  • B’ ekolo juba, ile ala
  • Eniti o juba, oba ogo
  • O s’ ori ara re d’ ori re
  • Nje Edumare, ye o awa juba o
  • Ki ‘ba wa le se l’ oju aiye

  • AWON ENIA SOLOMONI SI GBE OBA SOLOMONI L’ ESE PE

  • A o yi o awa se rubo awa saito
  • A wa juba fun ola nla
  • Olodumare Olugbala
  • B’ akere juba, omi a
  • B’ ekolo mjuba, ile a la
  • Eniti o juba oba ogo
  • Os’ ori ara re d’ ori re
  • Nje Edumare ye o, a wa juba o
  • Ki ‘ba wa le se l’ oju aiye

  • OBA SOLOMONI SI SE IRUBO NI ILU GEBEONI

  • A wa iya, iya, a mi rubo o
  • E re a mi rubo, Olugbala
  • Ariwo aiye ye ye ye ye
  • Awa iya a mi rubo o
  • Awa baba,baba, a mi rubo o
  • E re ami rubo Olugbala
  • Atiwo aiye, ye ye ye ye
  • Owenren, ami rubo o
  • Enyin omode, k’ e m’ Oluwa
  • Ariwo aiye, ye ye ye ye
  • Awa iya a mi rubo o
  • Enyin agbagba, k’e m’Oluwa
  • Ariwo aiye, ye ye ye ye
  • Awa iya, a mi rubo o
  • Enyin aboyun, k ‘e f’ owo s’osun
  • Abiyamo
  • Ariwo aiye, ye ye ye ya
  • Awa iya a mi rubo o
  • Enyin ijoye k’ e m’Oluwa
  • Ariwo aiye, ye ye ye ye
  • Awa iya, a mi rubo o
  • Enyin balogun nini ogun, ye ye o
  • Ariwo aiye, ye ye ye ye
  • Awa iya a mi rubo o
  • E! torotoro omi san e
  • Omi re
  • Omi san ! Ona tororo
  • Omi re
  • Omi san lo ona tarara
  • Omi re
  • Olumo dade owo
  • Ona ire
  • Olumo d’ona ola
  • Ona ire
  • Ona owo, ona omo
  • Ona ire
  • Ona aiku, ona airun
  • Ona ire
  • Orun oke gb’owo wa
  • Oware gba pa
  • Iwo t’o n’ile, gbewo wa
  • Owa re gbapa
  • Iwo gba pa, emi gba pa
  • Oware gba pa
  • K’aiye ilu toro k’ona ilu toro
  • K’aiye wa dun, k’o dun ju ‘le oyin lo
  • Ariwo aiye ye ye ye ye
  • Awa iya, a mi rubo
  • E arala an la, ode isawereo
  • Ode isa were o Olumennekunene o
  • E arala, arala ode osawere
  • Ode isawe e r’Erim fi re bi tele o

  • GBOGBO AWON ENIA SI FI OBA SOLOMONI
  • SILE LATI SUN NWON SI NKI I PE O DI OWURO

  • A dupe olore o a dupe o olore
  • K’a ki le k’a k’ ona ara wa e
  • Ki oba wa ko sun ko sun re e
  • A dupe olore o a dupe olore o
  • Ologose eiye igbo adaba eiye odan
  • Owenren eiye ogo
  • K’a ki le ka kona ara wa e
  • A dupe olore o a dupe o olore o
  • Ologose eiye igbo adaba eiye odan
  • Owenren eiye ogo
  • K’oba wa sun ko sun re o
  • A dupe olore o a dupe o olore o
  • Ologose eiye igbo aluko eiye osa
  • Owiwi eiye oru
  • K’oba wa sun ko sun re o
  • A dupe olore a dupe o olore o

  • OLUWA SI KO SI SOLOMONI LI OJU ALA BAYI PE

  • Omo mi a gboju soke o
  • Arole ile Oluwas Solomoni o
  • Alade aiye alade orun oba to fileke bora lai e
  • Oba to fileke bora o
  • Eledumare ye o a juba o Solomoni o
  • Nje bere (2) Nje bere ohun li wo fe o
  • Bere ohun ti wo yio gba wo ba bere
  • Bere ohun t’ogba julo ohunkohun ti
  • Titi lo borun to ga julo
  • L’ao fi fun o tile tile l’ao fi fun o tona tona
  • Bere ohun ti wo ge o, Solomoni

  • SOLOMONI OBA SI GBE OHUN OPE
  • S’OKE O SI MU IBERE RE WA BAYI PE

  • Mo dupe oba to ga julo
  • Eni to gbe mi sip o ola o
  • To fi mi joye baba mi o
  • Eniti o ti rin ninu ona
  • To dara ju loju re Baba Dafidi o
  • Ati emi se omo kekere ni mo nse
  • Beni nko logbon beni nko loye
  • Mo si njoba sibesibe
  • Lori omode ati agbalagba
  • Awon amoye gigagiga o
  • A o yi o, Eledumare ko gbo
  • Nitori eyi o Oluwa wa
  • Fun mi ni oye giga lorun
  • Lati se dajo awon enia
  • Lati se dajo awon omo Re
  • Lati mo yato buburu
  • Ati iyato rere o

  • OLUWA SI TI ENU AWON ANGELI
  • RE DA SOLOMONI LOHUN BAYI PE

  • A o wi ire, A o fo re
  • Arole ile Oluwa Solomoni o
  • Nitoriti o gbero rere
  • Niroriti o huwa rere o
  • Ti o bere iyi ara
  • Ti o ko bere emi gigun
  • Al’emi tin se l’ola re
  • Iwo sib ere oye giga
  • Lati se dajo ara aiye
  • Ati enia ile gbogbo
  • Arole ile Oluwa Solomoni o
  • Emi yio fun o bi o ti fe
  • Emi yio fun o bi o ti yan
  • Emi yio fun o lebun ogbon o

  • At’ebun ola a t’ebun ola
  • Ati ebun owo at’ ebun omo
  • Ki yio si s’oba saju
  • Ki yio si s’oba lehin
  • Ti yio dabi re laiye o
  • Arole ile Oluwa Solomoni o

  • AWON ANGELI SI NSE ARIYA NIPA TI
  • IYONU OLUWA SI OBA SOLOMONI

  • Ye !!!
  • Oro yi d’orun, oro yi d’orun
  • Awa ti ko ‘rin ogo, awa tin sere iye
  • Awa ti ns’alagbawi o, lodo Baba
  • Ti ns’aiye yi di ire o
  • Ye !!!
  • Oro yi do’run, oro yi do’run o
  • Enit’o logbon ori o
  • Enit’o lognon okan
  • Eni fe saiye ogo
  • K’ofakan bale
  • Ye !!!
  • Oro yi d’un o

    ACT II SCENE III


  • SOLOMONI OBA SI JOKO LORI ITE
  • IDAJO AWON NA A SI NJUBA R
  • E ma ku abo Solomoni
  • E ma ku abo, baba awa
  • Iwo t’o dade ade owo
  • Iwo t’o wo bata ileke
  • Iwo t’o ni wa, juba o
  • Adajo aiye o
  • O ti se ‘rubo, o ti s’aito
  • O sanwo osun o sanwo adin o
  • O ti r’Oluwa l’oju koju
  • O ti r’Oluwa lona-kona
  • O bere ogbon, o bere ore
  • Eyi t’o ku se o o d’owo re
  • Iwo to ni wa a juba
  • Adajo aiye o
  • Ire, ire owo ire, ire, ogo
  • O f’ara s’aiye o f’okan s’orun
  • O mba t’aiye t’orun soro
  • O j’oba l’aiye, o j’oye l’orun
  • Iwo to ni wa a juba o
  • Adajo aiye o

  • SOLOMONI OBA SI DA AWON ENIA NA LOHUN PE

  • E gbo mi ara mi
  • Mo ti se rubo mo ti saito
  • Mo sanwo osun mo sanwo adin o
  • Mo ti r’Oluwa lojukoju
  • Mo ti r’Oluwa lonakona
  • Mo bere ogbon mo bere oye
  • Eyi toku se o dowo re
  • Edumare ye o mo wa juba o
  • Adajo aiye o

  • AWON ENIA TUN DAHUN BAYI PE

  • Ire, ire owo ire, ire oge
  • O f’ara s’aiye, o f’okan s’orun
  • O mba t’aiye, t’orun s’oro
  • O j’oba l’aiye, o j’oye l’orun
  • Iwo t’oni wa, a juba o
  • Adajo aiye o

  • SI KIYESI AWON ABIYAMO MEJI SI KO ARA WON WA
  • SIWAJU OBA SOLOMONI FUN IDAJO OKAN NINU NWON SI WIPE

  • A Solomoni, oba nla
  • A Solomoni oba mi
  • Adajo aiye adajo ile
  • Mo wa f’ejo kan sun o ye e
  • Ejo ipania, ejo ole
  • Mo wa f’ejo kan sun o ye o
  • Adajo aiye
  • Jowo oluwa, oba mi
  • Se o r’obinrin ti o ri yen
  • Igara ole, aj’omo gbe o
  • Awa meji ni ngbe ile kan
  • Abiyamo si l’awa meji
  • Ko s’eni ti ngbe ile yen
  • A f’awa meji l’aiye o
  • A oba k’o o gbo seti
  • Gbat’osun l’omo re li oru
  • L’omo re ba wa d’ogbe o
  • L’o bag be omo re t’o ti ku
  • O si te e sile l’aya mi
  • O si gbe aye omo mi
  • Lo si aiya re laye o
  • A oba kio gbo s’eti
  • Gbati mo dide li owuro
  • Lati fi omu fun omo mi
  • A o ti ku, A o ti sun
  • Gba ti o si wo li owuro
  • Ki ise omo ti mo bi o
  • Mo wa f’ejo kan sun o ye o
  • Adajo iye o

  • OBIRIN EKEJI SI DAHUN BAYI PE

  • Iro l’emi pa eke l’emi se
  • Eke odale alakora
  • Agboju logun f’ara re f’osi ta
  • Lasan lon tan ra re je
  • Eyi oku yen l’omo re
  • Eyi alaye l’omo mi o
  • A oba ko gbo seti

  • OBIRIN OLOMO NA FI TEDUNTEDUN WIPE

  • Bi Iluwa bam be laye
  • Eyi oku yen lomo re
  • Eyi alaye lomo’ mi
  • A oba ko gbo s’eti

  • OBIRIN IKEJI SI FI IBURA DAHUN PE

  • Mo bura ni le mo f’ Olorun seri
  • K’omi Jodani ko pa mi
  • Bi mo ba puro f’ oba mi
  • Eyi oku yen l’omo re
  • Eyi alaye l’omo mi o
  • A! oba ko gbo s’eni

  • OBA SOLOMONI SI KUN FUN OGBON
  • PUPO O SI DAJO NA BAYI

  • E gbo ara mi
  • Eyi sajeji eyi ma yato
  • O dabi ala loju mi
  • Alo lemi pa tabi itan
  • Ekini wipe omo ni t’on
  • Ekeji wipe omo ni t’on
  • Ki lao ti mo eyi si o
  • Ejo ajeji ma re o
  • Araiye egbo o
  • E mu ida wa e gbo o
  • Idajo ma re o
  • E pin alaiye sona meji
  • E si fun okan li apakan
  • Ke fun ekeji li apakan
  • Idajo ma re o

  • Jowo oluwa oba mi
  • E gba alaiye yi, omo na
  • K’e kuku fun fi fun u
  • K’ o ma ba tire lo
  • Oluwa mbe li orun
  • E ye e mase pin wa l’omo

  • SUGBON AGBERE OBIRIN NA TENU MO O WIPE

  • Ko ni je tire, ko ni je t’emi
  • E pin omo na s’ona meji
  • E la omo na s’ona meji
  • Ko ni je t’emi, ko nije tire
  • K’oju gbogbo wa k’o lo mo o
  • Solomoni o

  • SOLOMONI OBA SI MO IYA OMO NA YATO O SI PASE PE

  • E gbe alaye omo na soke
  • E fi f’obirin ti e ri yen
  • On lo l’omo, e gbo
  • Idajo ma re o

    ACT III SCENE I


  • OKIKI IDAJO OLOGBON NA SI YI ILU JERUSALEMU
  • KA AWON ENIA SI NYO AYO NLA

  • Awa ndajo aiye o, awa ndajo ile
  • A ye, ye, ye, ye, ye, o
  • Edumare l’oba onidajo orun
  • Agbere aya t’o sun li orun
  • T’o pa omo re li apa de orun
  • T’o gb’omo olomo pon
  • Emi o ri i, iwo o ri i
  • Awa o ri I, eda kan o ri i
  • Solomoni l’oba adajo aiye o
  • Edumare l’oba onidajo orun
  • Araiye e gbo, araiye e gba
  • Iwa kiwa ko ma ye ‘ni ‘re
  • Bi o nyo ‘le, ti o nse ‘bi
  • T’enikan o f’oju ri o
  • K’o ranti pe ojo esan mbo
  • B’oba aiye ko ri o
  • Oba r’orun a da
  • Solomoni l’oba ti ndajo aiye o
  • Edumare l’oba onidajo orun
  • A dupe fun ogbon re adajo ile o
  • Ki yio si s’oba sa’ju
  • Ki yio si s’oba l’ehin
  • Ti yio dabi re
  • Solomoni, oba ti ‘dajo aiye
  • A eda aiye, A eda orun mbo o
  • Awa nre ‘le o
  • Solomoni oba ti ndajo aiye
  • K’a to r’erin o di gbo o
  • K’a to r’efon, o d’odan
  • K’a to r’eiye bi okin o
  • O di ‘le ile
  • K’a to radajo irure
  • O di ‘le Oluwa
  • Awa nre ‘le o
  • Solomoni oba ti ndajo aiye
  • A eda aiye A eda orun mbo
  • Awa nrele o
  • Solomoni oba ti ndajo aiye


    ACT III SCENE II


  • ORIN SOLOMONI
  • AWON ARA ILU JERUSALEM SI NKO ORIN SOLOMONI

  • A araiye, e yo o
  • A araiye, e yo o
  • Gbati mo dide li owuro
  • Mo ko lati je, mo ko lati sun
  • Mo nw’eni t’okan mi nfe o
  • Mo nw’eni t’kan ni nfa
  • Olufe mi, olufe mi
  • Ehin fun j’owo amororo
  • Apon bepo re, awe roro
  • Obandaji, ye
  • E wa w;ejire, omo a f’oru sun
  • Ejire omo abija-kikan
  • Ejire ara isoku
  • Omo adaro pa ‘le aso
  • E ba mi wa olufe mi
  • Iyawo mi o
  • A araiye o eba mi yo
  • A araiye o e ba mi pe
  • E ba mi gbohun ope s’oke
  • Tori! Mo ri olufe mi iyawo mi o
  • Iwo li ewa omobinrin
  • Iwo to loju bi ti eiyele
  • T’o dubule bi agbo eran
  • Bi a ba w’ehin ehin re
  • O dabi tomo aguntan
  • To si ngoke ninu omi
  • Oju re meji bi t’adaba
  • Adaba ile adaba oko
  • Adaba meji ti ise ejire o
  • Ejire omo a foru sun
  • Omo abija kikan
  • Ejire ara isoku
  • Omo adaro pale so
  • E bami wa olufe mi
  • Iyawo mi o
  • Oju re meji bi t’adaba
  • Adaba ile adaba ile adaba oko

  • Ejire omo a foru sun
  • Ejire omo abija kikan
  • Ejire ara isoku
  • Omo a daro pale aso
  • E ba mi wa olufe mi iyawo mi o
  • Tombolo tombolo a ye
  • Enu eiye tombolo
  • Onijaiye mo re Ijaiye (2)
  • Arakunrin mai lo ijaiye
  • Onijaiye mo re le ijaiye
  • Arakunrin mai lo ijaiye
  • Onijaiye mo rele ijaiye (4)
  • Kawa mo bunrin fobirin ijaiye
  • Onijaiye mo re le Ijaiye
  • K’awa mobirin fokunrin Ijaiye
  • Onijaiye mo rele Ijaiye
  • Onijaiye mo re le
  • Onijaaiye mo re le Ijaiye
  • Araiye fawo mi lo mi Ijaiye
  • Onijaiye mo re le Ijaiye
  • Arugbo f’awo mi lo mi
  • Oniyaiye mo re le Ijaiye
  • Onijaiye mo re le
  • Onijaiye mo re le Ijaiye


    ACT III SCENE III


  • OBA SOLOMONI JOKO LORI ITE AWON ENIA RE SI NYE SI

  • Iba Solomoni o
  • Oba to d’ade ade aiye
  • T’o ns’oloye l’orun
  • Okiki re lo ti kan
  • S’ori awon ile gbogbo
  • Iku baba orisa
  • Okiki ki ip’owo
  • Okiki ki ip’oja
  • Eni rere l’o ni o
  • Solomoni o
  • Iba Solomoni o
  • Ologbon wewe inu aiye e n
  • Oniwa tutu bi ti egbin en
  • Iba omo nla Dafidi
  • Teletele laiye o
  • Ogbon ori enia
  • Diedie l’asan ni
  • Sugbon a dupe lowo re
  • F’ogbon ori re
  • Ogbon to ga ju laiye
  • Ogbon t’o ga ju l’orun
  • Ogbon Olodumare
  • Okiki re ti kan
  • S’ori awon ile gbogbo
  • Iku baba orisa
  • Okiki ki ip’owo
  • Okiki ki ip’oja
  • Eni rere l’o bi o
  • Solomoni o

  • SOLOMONI OBA SI DAHUN BAYI PE

  • Mo dupe lowo yin
  • Enyin enia gbogbo
  • Teletele l’aiye o
  • Ogbon ori enia
  • Diedie l’asan ni
  • Mo dupe fun ogbon ori mi
  • T’Oluwa fun mi
  • Ogbon to ga ju l’aiye
  • Ogbon to ga ju l’orun
  • Okiki mi lo ti kan
  • S’ori awon ile gbogbo
  • Okiki ki ip’owo
  • Okiki ki ip’oja
  • Eni rere lo bi mi
  • Solomoni o

  • AWOM ENIA SOLOMONI SI DAHUN BAYI

  • Iba Solomoni o
  • Ologbon wewe inu aiye e a
  • Oni tutu bi ti egbin e a
  • Iha omo nla Dafidi o
  • Teletele l’aiye o
  • Ogbon ori enia
  • Diedie l’asan ni
  • Sugbon mo dupe l’owo re
  • F’ogbon ori re
  • Ogbon t’o ga ju l’orun
  • Ogbon Olodumare
  • Okiki re l’o ti kan
  • S’ori awon ilu gbogbo
  • Iku baba orisa
  • Okiki ki ipowo
  • Okiki ki ipoja
  • Eni rere li bi o
  • Solomoni o

  • AYABA SEBA SI WA LATI BE OBA SOLOMONI WO AWON ARA ILU JERUSALEM SI GBA TOWO-TESE

  • E ku abo o
  • E ku abo aya’ba
  • Aya ‘ba Seba
  • E ku abo, olola
  • Aya ‘ba Seba
  • O ti gbokiki i re o ti gbokiki wa
  • A ti mo pe olola ni’wo ninu ilu ew
  • O ti mo p’olola l’awa ninu ilu wa
  • Ibi meji lo papo ola meji nlo papo
  • Oba meji lo pade o eku abo aya ‘ba

  • AYABA SEBA SI KI SOLOMONI TOWOTOWO

  • E ku ile o e ku ile o mo ki o towotowo
  • Solomoni oluwa mo ki o lopolopo
  • Solomoni oluwa mo k’eyin agbagba
  • Mo ki eyin oselu mo ki eyin igbimo
  • Mo ki enyin iriju o tomode tagba ile
  • Alafia ko lewa bi mo ki o towotowo
  • Solomoni oluwa mo ki o lopolopo
  • Solomoni oluwa

  • OBA SOLOMONI SI GBA AYABA SEBA TOWOTOWO

  • E ku abo o, e ku abo o ayaba Seba ti wa
  • E ku abo o mo ki o tiletile
  • Mo ki o tonatona awon oselu ki o
  • Awon agbagba ki o awon irinjunile
  • Awon iwefa tiwa t’omo de t’agba ile
  • Alafia ko le bo mo ki o tile-tile
  • Mo ki o t’ona-t’ona Ayaba Seba tiwa
  • E ku abo

  • AWON ENIA SOLOMONI SI NKI OBA NIPA TI ALEJO RE AYABA SEBA

  • Oba Solomoni o E ku alejo
  • E ku alejo wa Aya ‘ba Seba
  • Iba meji lo papo ola meji l’o papo
  • Oba meji l’opade o E ku alejo
  • E ku alejo awa Aya ‘ba Seba o
  • AYA’BA SEBA SI DA AWON ENIA NA LOHUN WIPE

  • Mo ki enyin agbagba mo ki enyin oselu
  • Enyin iriju ile enyin iwefa baba
  • Mo ki o towotowo Solomoni oluwa
  • Mo ki o lopolopo Solomoni Oluwa
  • O ti gbokiki mi o ti mo pe olola l’emi
  • Ninu ilu re okiki re lo ti kan
  • Sori won ile gbogbo okiki ki ipowo
  • Okiki ki ipoja eni rere lo bi o
  • Solomoni o sugbon gbati mo de bi
  • O ya mi lenu poju a ko rohin idaji fun mi
  • Lohun to sele ohun gbogbo wa leto
  • Mo ri awon ikole mo ri awon enia
  • Mo ri awon iranse
  • At’awon wura oba mo ri ile Olorun
  • Ati ategun ona ti o ti ko f’Oluwa
  • Teletele laiye o ogbon ori enia
  • Diedie lasan ni sugbon a dupe lowo re
  • F’ogbon ori re okiki re lo ti kan
  • Sori awon ile gbogbo okiki ki ipowo
  • Okiki ki I p’oja eni rere lo bi o Solomoni o

  • SOLOMONI SI DA AYA’BA SEBA LOHUN BAYI PE

  • Mo dupe lowo re ayaba Seba
  • Awon agbagba dupe Awon iwefa mi yo
  • A dupe lowo re ayaba Seba o ti gbokiki mi
  • Mo ti gbo okiki re o ti mo pe olola l’emi
  • Ninu ilu mi mo ti mo pe olola ni wo
  • Ninu ilu re awon ohun ti o ri
  • T’o si nya o lenu ki sogbon enia
  • Ogbon Olorun wa ni ogbon Olodumare
  • Ko mase ya o lenu
  • Aya ‘ba Seba teletele laiye o
  • Ogbon ori enia d’iedie l’asa ni
  • Okiki I p’owo okiki ki ip’oja
  • Eni rere l’obi mi Solomoni o

  • GBOGBO AIYE SI NYO, NWON NSE ARIYA NLANLA
  • NITIRI OGBON GIGA TOLUWA FIFUN SOLOMONI

  • Tombolo, tombolo aiye
  • Enu eiye tombolo
  • Onijaiye, mo re ‘le Ijaiye
  • Onijaiye, mo re ‘e Ijaiye
  • Arabirin, ma ilo Ijaiye
  • Onijaiye, mo re ‘le Ijaiye
  • Onijaiye mo re le
  • Onijaiye, mo re ‘le Ijaiye
  • K’awa mo m’okunrin f’obirin
  • Onijaiye, mo re ‘le Ijaiye
  • K’awa m’obirin f’okunrin Ijaiye
  • Onijaiye mo re ‘le Ijaiye
  • Onijaiye, mo re ‘le
  • Onijaiye, mo re ‘le Ijaiye
  • Ara ‘ye f’awo mi lo mi Ijaiye
  • Onijaiye mo re ‘le Ijaiye
  • Onijaiye mo re ‘le Ijaiye
  • Onijaiye, mo re ‘le
  • Ori re o, Ori re o
  • Ori buruku ki igbogun odun o
  • Ori iwefa tun wa day’ oba o
  • Aropin ni te’da, aropin n’tenia
  • Ko s’eni t’ole ri opin enia ara
  • Talaka ti ko ku tun le pada d’elesin
  • Ori iwefa tun wa d’aya oba o
  • Batseba, aya oba, o wi ‘re o
  • Ori buruku ki igb’ogun odun o
  • Ori iwefa tun wa daya oba o
  • Araiye e mura ara ona bamiyo
  • Eba migb’ohun soke
  • Kakorin iyin s’Oluwa
  • Ko ma s’eni tole ri opin enia rara
  • Talaka ti koku tun le pada d’elesin
  • Ori iwefa wa d’aya oba o
  • A deni a awa se hun
  • Erin j’ogun ola o erin j’ogun dada re
  • Igb’ojo se wo t’ojo d’ojo ale’ E gbo o
  • Edumare je ka fo gun omo sile ka ilo
  • Solomoni oluwa jogun baba re o
  • Ina ku f’eru bo’ju
  • Ogede ku f’omo re ro’po baba Dafidi
  • Igba ojo o oja lo igba otutu n bo
  • Igba eru ni yio j’ogun
  • T’oye t’otutu dandan
  • Solomoni oluwa o j’ogun baba re o
  • A! beni awa se hun
  • Erin j’ogun ola o erin j’ogun baba re o
  • Igb’ojo se wo, t’ojo d’ojo ale e gbo o
  • Edumare je k’a f’ogun omo sile k’a ilo
  • Solomoni oluwa j’ogun baba re o
  • Baba l’aiye o, Hun
  • Baba l’orun o, Hun
  • Baba t’o dade aiye, t’o f’eti ba le
  • Boya nwon atun pe on l’orun
  • Hun
  • Solomoni oluwa o j’ogun baba re o
  • Ye
  • Oro yi d’orun oro yi d’orun o
  • Awa ti nkorin ogo awa tin sere iye
  • Awa ti ns’alagbawi o lodo baba
  • Ti ns’aiye yi di re e
  • Ye
  • Oro yi d’orun oro yi d’orun o
  • Enit’o l’ogbon ori o
  • Enit’o l’ogbon okan
  • Eni fe s’aiye ogo Ko f’okan bale
  • Ye
  • Oro yi d’orun oro yi d’orun o
  • A! Solomoni o
  • Solomoni baba gbere o
  • Baba a re ‘le yip e o
  • Lo la Oluwa
  • Baba atele yi pe o
  • L’ola awa o
  • Ade a pe l’orire, bata l’ese re o
  • Enikeni ti ko ba si gba
  • K’o lo ri s’okun
  • Abinu eni ko ma le pa kadara wa po
  • Ota nse l’asan ni ko le ri wa mo o
  • A! Solomoni o
  • Solomoni baba gbere o

  • THE END

  • ALL RIGHTS RESERVED